Karya Sastra Lisan Hahiwang, Mamak Lawok
Minggu, 06 Maret 2022
Teknokra.id -
Bulehot
Pekhtama ni bismillah
jama sunyin diketi
Tulung dengis pai kidah
Manat cutik di keti
Kintu wat bufaedah
Kasi sikhok lom hati
Ajo do mamak lawok
Haga ngilu peghmisi
Nekham ji tungga sekhebok
Mawat kik dapok beni
Ti bidi pak mesukhok
Kham saling menghormati
Mahalok kinjuk dapok
Minok kik pak sabingi
Kham makhok putatawok
Bebalah khepa sungi
Kham dedok khepa bulok
Waktu payah ti bagi
Kik pak kham tungga sekhebok
Kalau sinji jalanni
Kak dukhi mekhakhisok
Jadi lantakh muwakhi
Jadi pembuka khangok
Kintu wat kawok an ni
Pusilau pusasepok
Waktu kawin khik mati
Sai di doh khadu nyikhok
Kheno ibakhat tali
Kintu ni ngilu tawok
Daleh ti buka hati
Ajo haga wat lapok
Hahiwang khasa ni hati
Kintu bang pakheda tekhok
Mahap di kham sunyin ni
Kik basa khukhang halok
Kilu mahap di keti
Kik nana liwat sikhok
Kindang khepa ulah ni
Ngasi melamon sukhok
Wat muneh ngehahikhi
Nuha kik mamak lawok
Injuk jak mutus kaji
Kindang payu do anggok
Sejakh jadi babiti
Mak dibiti sai halok
Kuk sai matahok kasi
Khisok miwang Sakhdedok
Ngawakat wakat dikhi
Sembahyang khisok ti tok
Mak genok bngi khani
Kak ngangon kon di khumpok
Hakha pu budah mati
Kuk basuhan makung ti tok
Mak kung balin jak mandi
Bang lancakh tikadugok
Mak dapok nangguh lagi
Sesol ku gulok pansok
Ti ingok dikhi mak ngaji
Hukhik Sa angkah sekhebok
Kik mati khadu pasti
Kain handak sang lekok
Seno sai ti usung mati
Kintu bang wat pembatok
Anjak di minak muwakhi
Ja kidah kham nyepok
Gukhu takhik usung ni
Najin silek ni langok
Mak pekhnah nganik besi
Nekham di padok khumpok
Banjakh bedik lom bumi
Mungkar nangkir sai nyepok
Sapa lawan ku hani
Inggoman ngapuhalok
Ampai kuk telu bingi
Buwok ni kulok kimpok
Ngilekh di kanan kikhi
Nekham butong mak dapok
Layin tanyandang dikhi
Goh tekhai ganda dapok
Mak dapok milak lagi
Silek buntokh ti batok
Tawai ni tamong sebi
Luncat kikhi pudapok
Mit kanan api lagi
Mawat kik ya mileh pok
Mekhanai atau muli seno
Malah sai halok
Nyepok khang ngaji dikhi
Kik iman ni mak dapok
Salamat tugok nanti
Wat kenangan ti penok
Pucacumit guwai ni
Lom hati ni mahalok
Dak duk muji ilahi
Sangun bumacam pambatok
Ya nyepok sai delom ni
Kindang khisok ngalagok
Guwai ni ulun jak ngaji
Jak kukhuk sulup di ulok
Di liwa gukhu sufi
Lain angkah mesekhebok
Wat pak mintelu kali
Bang nyebekhang di lawok
Pedom diatas sa sakuci
Maksiat sai ti batok
Mani pandai taubat ni
Mati lupa mak tinggok
Ucap ni mumpung lagi
Bang jadi ni matahok
Ngaji sa makna kaci
Kudengis hani khumpok Bukhinak nicak tahi
Antak ija pai kicik kalau do hak bukheti (Penulis: Amalia Sabilla Mukhtar).